ប្ដូរភាសា :

ព័ត៌មាន និង​ព្រឹត្តិការណ៍

ឯកឧត្តម ឡុង នរិន្ទ រដ្ឋលេខាធិការ ក្រសួងយុត្តិធម៌ និងជាប្រធានក្រុមការងារទី២ គ.យ.ក.ស. បានដឹកនាំក្រុមការងារទី២ ទៅកាន់ខេត្តស្ទឹងត្រែង ដើម្បីពិនិត្យវឌ្ឍនៈភាពការងារ និងចំណាត់ការសំណុំរឿងកកស្ទះរយៈពេល ១៥០ថ្ងៃ

          ខេត្តស្ទឹងត្រែង : នាព្រឹកថ្ងៃព្រហស្បតិ៍ ៦ កើត ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២២ ខែតុលា ឆ្នាំ២០២០ ឯកឧត្តម ឡុង នរិន្ទ រដ្ឋលេខាធិការក្រសួងយុត្តិធម៌ និងជាប្រធានក្រុមការងារទី ២ នៃគណៈកម្មការដឹកនាំយុទ្ធនាការដោះស្រាយការកកស្ទះសំណុំរឿងនៅតាមសាលាដំបូងរាជធានី-ខេត្ត (គ.យ.ក.ស) បានដឹកនាំក្រុមការងារទី ២ បើកកិច្ចប្រជុំដើម្បីពិនិត្យវឌ្ឍនៈភាពការងារ និងនិងចំណាត់ការសំណុំរឿងកកស្ទះរយៈពេល ១៥០ថ្ងៃ នៃយុទ្ធនាការដោះស្រាយការកកស្ទះសំណុំរឿងនៅសាលាដំបូងខេត្តស្ទឹងត្រែង។ ឯកឧត្តម រដ្ឋលេខាធិការបានកោតសរសើរពីលទ្ធផលការងារដែលចៅក្រម និងព្រះរាជអាជ្ញាសម្រេចបាននាពេលកន្លងមក ហើយឯកឧត្តមរដ្ឋលេខាធិការជម្រុញ និងលើកទឹកចិត្តដល់ ចៅក្រម និងព្រះរាជអាជ្ញាខិតខំបន្តទៀតក្នុងការដោះស្រាយសំណុំកកស្ទះដើម្បី លើកស្ទួយកិត្តិយវិស័យយុត្តិធម៌ទាំងមូលដោយប្រកាន់ភ្ជាប់នូវអភិក្រម លឿន យុត្តិធម៌ ត្រឹមត្រូវ និងមិនពុករលួយ។

        កិច្ចប្រជុំនេះមានការអញ្ជើញចូលរួមពីសំណាក់ឯកឧត្តមប្រធានទទួលបន្ទុកតំបន់ត្បូងឃ្មុំក្រុមការងារទី ២ ឯកឧត្តមប្រធានសាលាដំបូង និងឯកឧត្តមព្រះរាជអាជ្ញា លោក លោកស្រី ចៅក្រម ព្រះរាជអាជ្ញារង ប្រធានលេខាធិការដ្ឋាន អនុប្រធានលេខាធិការដ្ឋាន ក្រឡាបញ្ជី និងមន្ត្រីលេខាធិការដ្ឋានទាំងអស់នៃសាលាដំបូងខេត្តស្ទឹងត្រែង និងអយ្យការអមសាលាដំបូងខេត្តស្ទឹងត្រែង។