ឯកឧត្តម អ៊ួង សុភារិន្ទ អនុរដ្ឋលេខាធិការក្រសួងយុត្តិធម៌ បានអញ្ជើញជាតំណាងដ៏ខ្ពង់ខ្ពស់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ នាំយកសារលិខិតរំលែកមរណទុក្ខ និងបច្ច័យដើម្បីចូលរួមបុណ្យសព លោកជំទាវ ខែក គឹមលាង ដែលត្រូវជាភរិយារបស់ ឯកឧត្តម ម៉ែន សុភាព ទីប្រឹក្សាអមក្រសួងយុត្តិធម៌ និងជាម្តាយរបស់ លោក ម៉ែន ចំណាន ប្រធាននាយកដ្ឋានព័ត៌មានវិទ្យា និងបរិវត្តកម្មឌីជីថល នៃក្រសួងយុត្តិធម៌។ លោកជំទាវ ខែក គឹមលាង បានទទួលមរណភាពកាលពីថ្ងៃព្រហស្បតិ៍ ៧រោច ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៧ ខែកញ្ញា ឆ្នាំ២០២៣ ក្នុងជន្មាយុ ៦៤ ឆ្នាំ ដោយរោគាពាធ។